Ang Kwento Ng Isang Ganap Na Payaso
Masarap ang ganitong pakiramdam! Sa haba ng panahon na akoy naging isang Payaso ay ngayon ko lang ulit ito naramdaman. Noong una parang isang normal lang na pangyayari sa buhay ko pero habang tumatagal ay lalo itong tumitindi, gumagrabe, at lumalalim. Aaminin ko, una natakot talaga ako. Baka kasi hindi ko kayanin ang pangyayari but then again, natakot din akong baka hindi ko na maramdaman ang ganitong feeling. Kaya eto ako ngayon, sinusugal ang lahat para sa aking nararamdaman. Ayaw ko kasing may pagsisihan sa huli. Kung baga sa showbiz, this is my big break para sumikat at makilala. Ito na ang aking pagkakataon para patunayan ang aking husay. Minsan lang kasi kung dumaan ang pagkakataong ito at kung palalagpasin lang ay mawawalan ng saysay. Kaya habang akoy nakatayo sa gitna ng daan, nakangiti, aking paulit-ulit na sinasambit, "Isa na akong ganap na Payaso!" Hindi na ako yung dating Payaso na pumasok sa nigosyog ito para lang makalayo sa problema ng mundo. Hindi na ako yung Payasong nangangambang mabalewala sa eksena. Kasi ngayon ang Payasong ito na ang bida. Ang Payasong ito ay haharapin ang problema habang kahawak ang kamay ni Minamahal. Ipagmamalaki ko na isa akong Payaso. Isang Payaso na handang gawin ang lahat para lang sa Minamahal niya. Simula na ito ng paglalakbay ni Payaso at ni Minamahal. Simula ngayon, ang aking mga kwento’y hindi lang isa ang magsusulat kung hindi ay dalawang puso na nagsusulat gamit ang iisang kamay. Hindi ko alam kung saan ang biyahe namin patungo pero wala na akong takot. Saan man kami mapunta ni Minamahal ay handa kong harapin ang lahat. Masaya man o kalungkutan ang naghihintay sa amin sa dulo ng daan. Ngayon ang tanging hiling na lang ay wag sanang maging maikli ang daan na aming binabagkas. Ikamamatay ko kung matatapos lang agad.
